Lheuh lon pikee-pikee sejak 5 thon, akhir jih lon putuskan lon rilis saboh tulisan sebagai tanda bahwa blog nyoe na po. Po jih lon. Sidroe Sarjana Sosiologi yang selama nyoe lee that pu pikee pue yang harus lon tuleh dan lon isi untuk membuat blog nyoe gron. Hingga sampe et uroe hana meusaboh tulisan pih yang na sinoe akibat lee that pue pikee. Berhubung bahasa yang lon meureuno phon adalah bahasa Acer, kakeuh lon putuskan tulisan phon lon nyoe lam basa Aceh. Adak brok tulesan bacut neumaklum ju beh. Maklum trep that ka hana teumuleh. Meunyoe jeut neubaca mandum kata-kata lon nyoe. Neu tuleh koment lah ala kadar keu lon ngat semangat lon lom lon teumuleh ato meunyoe brok neukoment kakeuh hana jadeh lon tuleh sapue lee. Ato lon block droeneuh ngat bek deuh neukalon postingan lon lee. Ato kiban yang mungken lah.
Jadi berdasarkan perjalanan proses seumikee yang ka 5 thon nyoe hana hasil sapue lom lam blog nyoe. Lon cok kesimpulan bahwa kegagalan dan matinya kreativitas nakeuh masalah utama jih karena lee that pue pikee. Bak lon pikee pue topic yang gron, kiban cara ta suson kata-kata yang gron, kiban meuseu hana gron, malee teuh dibaca lee ureung. Malee teuh dibaca lee murid-murid teuh, malee teuh dibaca lee keluarga, rakan-rakan, dosen-dosen atau kenalan-kenalan. Akhir jih, Bak tapeutimang keu gron dan bak tapike malee teuh keu hana gron. Meuhana hasil sapue treuk. 5 thon blog nyoe nganggor, neubayangkan meunyoe blog nyoe ijak kuliah, nyoe ka di DO ih karna hana hasil sapue.
Etno ilee haba, nyoe pih rab hana meupeu peugah lee. pokok jih mulai malam nyoe lon posting saboh tulisan tiep malam. meunyoe urueng droeneuh na paket Internet sabee, neubaca2 dan neubi saran meusaboh paragraf, ato ubee kuasa, meunyoe kuasa saboh kalimat jeut cit. Yang bek saboh huruf. Hana lon tu'oh peumakna eunteuk.
Akhirul khalam, wabillahi taufik wal hidayah.
